Friday, April 02, 2010 去呀富屋企晨操四方城，仲有溫老師同呀金。我應該係第一次同佢地打，打左廿圈，好攰！大出血！成日d牌運都好差，4色都算，仲要打乜黎番乜，最慘係狂輸自摸…溫老師都話今日自摸既牌都好大… 時也，命也！整定既！溫老師話請我食番兩餐，咁都好d~~ Thursday, April 01, 2010 訓左兩個鐘，出旺角幫sisi手做佢fyp既問卷調查員，開場白係：「我地係浸會大學MBA既學生…」，講完個人都升晒呢！XD 做左成日，好攰，行左去廟街食野，果到d人都惡d…果到有好多野其他地方都冇既，行左陣就走喇… Wednesday, March 31, 2010 今日係學校既復活崇拜，番到1點，聽日就放假喇！放學開左個校內既會，傾番方向同四邊形兩個課題。太好喇，開始有d頭緒點教喇！ 夜晚無啦啦曹人約鬥地主，同呀毛上曹人到鬥通頂…超攰！仲輸左幾十蚊… Tuesday, March 30, 2010 對於要寫教案，真係感到無從入手…坐左成日都係得個吉…諗唔到到時應該點教，設計乜野活動俾佢地，用幾多時間，俾咩功課，點整工作紙…煩惱中！ 晏晝食kfc，睇黎我地會係呢間學校出晒名喇！ Monday, March 29, 2010 今日第一日入課室，因為佢地要對卷，冇野要教住，咁我就坐係後面睇堂。6E班學生超熱情，十分歡迎我呢個實習老師，但係對於佢地個樣同埋個名，我真係記左好耐都記唔到…做老師真係辛苦喇…而家有d明白當年劉sir點解會成日都叫錯晒我地個名喇！2E果班對於我去睇佢地堂會覺得好好奇，有幾個學生成日都偷偷地望下我，我估有d 學生應該比平時緊張啦~不過有一位學生，成日都好想吸引人注意，成日扮跌低、上堂爬黎爬去…初時我仲以為佢係「專注力缺乏症」，不過老師叫佢出黎做野，佢又好乖嫁喎…原來我搞錯左~~ 晏晝我地叫pizza hut，超開心~~ 放學又係開會，今次係除法，雖然呢課唔洗我教，但同樣都係獲益良多呀！代價係差唔多6點先有得走… Saturday, March 27, 2010 今朝早又係要教班，我而家只係希望佢兩個交足貨俾我就算喇…心己灰… 一落堂就去呀輝屋企決戰四方城，見番幾個好耐冇見既舊同學，感覺都係冇乜點變。打左8圈，贏左少少，就趕住去城門谷跑步。跑完落荃灣食野，等埋呀富，我、曹人上呀富到鬥地主，鬥到3點幾，都係小勝。超「充實」的一天！支力火暴… Friday, March 26, 2010 昨日係學校既教師發展日，休息一天…夜晚同之前考評局既同事re-u，我真係好耐冇見過大家喇，自從暑假。我地去左旺角食日本野，呀sir帶埋佢老婆同埋仔仔，佢真係好叻好得意呀，不過真係好怕羞…今次仲識到一位第一期既同事(係我之前果期)，都幾開心丫~~ Thursday, March 25, 2010 第二日實習，都係晨咁早起身…同樣都係唔洗入課室…不過今日教育局d人黎同學校開會，傾二年級既四邊形課題既野，我被邀請去開埋一份…個會開左個零鐘，佢地傾番四邊形應該點教，往年實行既情況，今年應該點改善，現有教科書既不足等…對於我呢d 0教學經驗既人黎講簡直係獲益良多呀！同時令我對日後既試教增加唔少既信心！ Wednesday, March 24, 2010 第一日實習，晨咁早起身番去，連報紙都未開始派…勁眼訓！ 因為間學校仲考緊試，所以呢兩日都唔洗入課室，仲有得放早。我地幾位實習老師就係間大房入面做自己野，上網、fb、準備教案、傾偈…無驚無險就過左一日喇~放學我地幾個落左長發食野，都幾開心！ | 